Oporren bueltan garela, bereziki irakurle gazteenek (horrelakorik baldin badut), zer asmo duzue irailerako? Batxilergoa, unibertsitate-ikasketak, masterra... eta, agian doktoretza? Irailetik aurrera nire «aginduetara» bi doktoregai izango ditudanez, zer pentsatua eman dit kontuak azken egunetan. Eta lerro hauetan doktoretza bat egingo bagenu? Ibilbidea ez da nolanahikoa izango: munstroak, ekaitzak, labirintoak… eta tarteka, eguzki izpiren bat. Hasteko prest?

Azken zutabean azken hilabeteotan egon den zientzia albiste entzutetsuenetakoa azaldu nuen Zientziaren Talaian, ATARIAren zientziaren gure txoko honetan. Hain zuzen ere, kontatu nizuen otsaila aldean oihartzun handia izan zuela Mariano Barbacid biokimikari ospetsua buru duen Espainiako zientzialari-talde batek emandako albisteak. Gaiaren korapiloa oraindik ez da askatu, beraz, eguneratu gaitezen.