Behar Zana Pilota Elkarteak antolatuta, eskuz binakako gazte mailako pilota partida triangularra jokatu dute sei pilotarik, arratsaldean, Orexako Errebote-atze pilotalekuan. Olasagasti eta Iraola izan dira garaile.

Urrezko Aizkolarien Banakako Txapelketaren lehen saioa egin da Leaburu-Txaramako industrialdean. Aurrez aurre, Iñaki Azurmendi beasaindarra eta Jon Rekondo leitzarra izan dira. Azken honek egin du aurrera. Honekin batera, Hiru Hamarreko harri-jasotze txapelketan Urdax Magunazelaia abadiñoarrak eta Mikel Lopetegi ‘Urra’ zarauztarrak hartu dute parte.