Berazubi Auzo Elkarteak omenaldi xumea egin dio Ama jatetxeari. Auzoan bertan dago jatetxea, eta pasa den azaroan lehen Michelin Izarra jaso zuen. Horregatik, eta auzoan egiten duten ekarpenagatik jaso dute bizilagunen aitortza Javi Riverok eta Gorka Ricok. Oroigarria jasotzeaz gain, auzoko bi bizilagunek agurra dantzatu diete, eta horietako batek flamenko estiloan egin du.

Berazubin dagoen Ama jatetxeak aitortza berezia jaso du auzo elkartearen partetik, eta bertako sukaldariek esker hitzak izan dituzte auzotarrentzat.