Basque Culinary Centerrek Gastronomiako 100 Talentu Gazte (100JTG) jardunaldiaren laugarren edizioa egin du, «diziplina anitzeko begirada modernoa lagun dutela gastronomian iraultza eragiten ari diren 30 urtetik beherako profesionalen bilduma bat», hain zuzen. Esan du gastronomiak hartzen duen eremu zabalaren erakusgarri direla, eta sektorearen aldaketa sakona eragiten ari direla denak.

Gipuzkoako ostatuek Aldundiaren Mugikortasuneko, Turismoko eta Lurralde Antolaketarako departamenduarekin lan-bilera egin eta ostatu sare turistiko bat martxan jartzea adostu dute; helburua da lurralde osoan turismo fluxuak modu bidezkoagoan sustatzea.