Honi buruz

Tolosaldeko Ataria euskaraz diharduen tokiko hedabide multimedia da. Gipuzkoako Tolosaldea eskualdean burutzen du bere jarduna, Tolosako San Esteban auzoko 20 zenbakian du egoitza, eta eskualdea osatzen duten 28 herrietako herritarren jakin-mina eta komunikazio premiak erarik profesionalenean asetzea du helburu nagusia. Hori bai, euskaratik eta euskaraz!

Hedabide proiektu honek 2013ko urrian eman zituen lehen urratsak. Galtzaundi astekaria, Tolosaldeko Hitza egunkaria eta Txolarre irratiaren bateratzetik sortua da eta, esan bezala, eskaintza multimedia osatu du, gizartearen eskakizunetara egokitzeko ahalegina eginez. Hiru adar ditu hedabideak eta guztietan egiten dute kazetariek beren ekarpena:

  • Ataria.eus interneteko ataria: bere izaeragatik proiektu multimedia honen ardatzean kokatzen da. Idatziak, argazkiak, bideoak, audioak... euskarri guztiak dute lekua bertan. Bere baitan, eskualdeko erakunde, gizarte-eragile eta norbanakoek osatzen duten Komunitatea gero eta zabalagoa da. Ibilbide laburra izanagatik, erreferentzia da eskualdean.
  • Tolosaldeko Ataria papera: 8 orriko egunkaria astearte, asteazken eta ostegunetan, eta 32 orriko astekaria ostiraletan. Inprimatzen diren ale gehienak etxez etxe banatzen zaizkie Atarikideei (harpideak), eta gainerakoak jendearen eskura uzten dira Udalekin adostutako toki publikoetan.
  • Ataria irratia: 24 orduz etenik gabe emititzen du, Tolosaldean 107.6 FM frekuentzian eta ataria.eus-en. Programazioaren %25a da geuk ekoiztua, gainerako euskal musikak osatzen du leku berezia eginez eskualdeko musikari eta abeslariek sortuari.

Kolaboratzaile sare zabala dugu. Eskualdeko herritar esanguratsu askoren jakituria eta ekarpenek balio erantsi garrantzitsua, behar beste eskertu ezin duguna, ematen dio proiektuari.

Elkarlan estua eta zerbitzu partekatuak ditugu BERRIA eta Gipuzkoa-Bizkaian eratuta dauden HITZA hedabideekin. Horrezaz gain, lankidetza akordioak ditugu Arrosa irratien sarea, 28 Kanala, Tokikom eta Hamaika TB-rekin, eta Hekimen hedabideen elkarguneko zuzendaritza kide gara. Hedabideez gain, bestelako hamaika erakunde, talde eta norbanakoekin ere lankidetzak ditugu.

Finantziazioa:

Proiektu honen bideragarritasuna lau zutoinetan bermatzen da: Atarikideak (harpideak), eskualdeko 28 Udalak, erakunde publiko nagusiak (Eusko Jaurlaritza eta Gipuzkoako Foru Aldundia), eta Atariaren publizitate-zerbitzuak.

Zuzendaritza:

Zuzendaritza Batzordea: Xabier Saizar, administratzaile solidarioa (Galtzaundi), Mikel Arrieta, administratzaile solidarioa (Bertako Hedabideak), Joxemi Aranburu (Txolarre), Unai Mendizabal (Harituz), Amando Hernandez (Lizardi), Iñigo Terradillos (langileen ordezkaria), Rebeka Calvo (erredakzio koordinatzailea) eta Iban Urdapilleta (kudeatzailea).

Lan-taldea:

  • Prentsa edizioaren arduradunak: Rebeka Calvo eta Naiara Roldan de Aranguiz (astekaria).
  • Ataria.eus-en arduraduna: Asier Imaz.
  • Ataria Irratiaren arduraduna: Iñigo Terradillos.
  • Kazetariak: Itzea Urkizu (Tolosa), Eneritz Maiz (Alegialdea), Irati Saizar (Ibarraldea), Jon Miranda (Anoeta-Villabonaldea), Imanol Garcia (Kirolak).
  • Maketa eta diseinua: Ibai Luque.
  • Erredakzio koordinatzailea: Rebeka Calvo.
  • Publizitatea: Arantxa Beobide.
  • Marketin eta sustapena:  .
  • Administrazioa: Iban Urdapilleta.
  • Kudeatzaile orokorra: Iban Urdapilleta.