Gora señora jendea
Euskal Herriko Bertsolari Txapelketa 2026
urr 05, 13:19
Amasa-Villabona
Izenburua ez dut idatzi Donapaleuko saioan lehen hirurak emazteak izan direlako, edo ez behintzat horregatik bakarrik. Oihana Iguaranek ganbarako bakarkako lanean erabili duen doinuaren izena da hori. Plentzian aurten Señora Sariketako irabazlearen, pameladunaren, agurrean erabili zuen Oihanak txapelketarako prestatu dioten doinua. Oraingoan Euskal Herrikoan estreinatu du.
Bertsozalea bero
Euskal Herriko Bertsolari Txapelketa 2026
urr 05, 13:34
Tolosa
Bat, bi, bat, bi, bat, bat, bi, bat, bi, bi... Goranzko pausoak kontatzen igo ditu bertsozaleak Usabalgo eskailera luzeak. Bostetarako hogei minuturen faltan, azken porrak, ebaki-zurrutaldiak eta komunera-bueltak egin ditu jendeak, eta pixkanaka betetzen eta betetzen joan dira kiroldegiko aulkiak. Bero zegoen bertsozalea; baita aldartez ere.
