Eskualdeko hainbat herritan mobilizazioak egin ditu Mugimendu Feministak Indarkeria Matxistaren Aurkako Egunaren harira.

Tolosako Udaleko Berdintasun saileko kideak, Peruko Manuela Ramos elkarte feministako kide batekin eta Medicusmundi Gipuzkoako beste kide batekin bildu dira «berdintasunaren, aniztasunaren eta justizia sozialaren arloan lortutako aurrerapenak zalantzan jartzen dituzten diskurtso eta politikak han eta hemen areagotzen ari direnez, esperientziak eta erresistentzia estrategiak partekatzeko».