Segurtasun sailak jakinarazi du pasa den astean adingabe batek Ertzaintzara jo zuela 2024. urtearen amaieratik adineko gizon batekin sexu harremanak izatera behartu zutela salatzeko. Zehaztu du topaketa bakoitzaren ondoren gizonezkoak diru kopuru bat ematen ziola. Kontakizunaren arabera, hirugarren pertsona batek eskaintzen zuen adingabea atxilotutakoarekin sexu harremanak izateko. Adingabeak salaketan emandako datuak ikertu ondoren, Ertzaintzak biktimak emandako deskribapenarekin bat zetorren susmagarri bat aurkitu zuen, eta haren ibilgailuak adingabeak bere kontakizunean deskribatutako ezaugarriak zituela baieztatu zuen.
Ikerketa lanak asteazkenean, uztailaren 2an, amaitu ondoren, 16 urteko adingabearen aurkako sexu erasoa eta adingabea galbideratzea leporatuta atxilotu zuten 71 urteko gizonezkoa.