Eskualdeko hiru harategik jaso dute aitortza

Tolosaldeko Ataria

Tolosako Goya eta Miren harategiak eta Ibarrako Barriola harategia aitortu dituzte belaunaldi-erreleboan eta profesionaltasun-ibilbidean, ELIKARI topaketaren bueltan.

ELIKARI Euskadiko Elikadura Sektorearen I. Topaketa Profesionala egin zen igandean, Donostiako GOe Gastronomy Open Ecosystem zentroan. Euskomerrek, Aenkomer, Cecobi eta Gipuzkoa Merkatariak Federazioak osatzen duten merkataritzako euskal konfederazioak, Euskadiko Harategi Elkarteekin eta Euskadiko Okindegiekin lankidetzan antolatu zuen jardunaldia.

Topaketan, harategietako eta okindegietako profesionalen lana aitortzeko ekitaldia egin zen, bi arlo nagusitan: Belaunaldi-errelebo arrakastatsua eta profesionaltasun-ibilbidea. Lehen horretan Tolosako Alejando Goya harategiak jaso zuen aitortza, eta bigarrenean, Ibarrako Joxe Mari Barriola harategiak. Bi aitortzak, berriz,  Tolosako Miren Harakinak eraman zituen.

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!