Eguerdirako herritar ugari elkartu da Amezketako plazan. Bertan guztia ederki atonduta zegoen Mondeju&Ardo Azokari hasiera emateko. Zazpi mondeju egilek eta sei upategik hartu dute parte.
Jatekoa eta edatekoaz gain, goiza girotzeko hainbat ekitaldi izan dira. Dultzaineroen kaljiraren ondotik, Joseba Erasoren omenezko artzain txakurren erakustaldia izan da. Ondoren, Amezketako Erraldoien kalejira. Plazaraino joan dira dultzaineroekin batera, eta han, birritan dantzatu dute. Herriko festetan aurkeztu zituzten erraldoiak, eta gaurkoan dantzan ikusi ahal izan dituzte herritarrek estreinakoz.