Adunako Zabala sagardotegian banatu dituzte gaur VIII. Jakitea sariak. Juan Manuel Garmendia saria, produktu eta kalitate oneneko jatetxea saritzen duena, Beasaingo Urkiola erretegiak jaso du aurten. Iñigo Urkiolak jaso du saria, Jakitea elkarteko lehendakari Xabier Zabaletaren eta Beasaingo Kattalin erretegiko Arantxa Arrizabalagaren eskutik.
Bi sari gelditu dira eskualdean. Alde batetik, Jakitea elkarteak Balerdipeko Erleak proiektua saritu du bertako ekoizle onenaren aitortzarekin. Bestetik, Tolosako Plaza Berriko Biko jatetxeak jaso du euskara sustatzeko egindako lanaren aitortza.
Balerdipeko Erleakeko Mattin Jauregik jaso du saria, Lumagorriko lehendakari Joseba Altunaren eskutik. Lehen sektorearen eta bertako ekoizleen garrantzia azpimarratu du Jauregik, eta tokiko produktuak kontsumitzera deitu du: «Gero eta gutxiago gara lehen sektorean aritzen garenak, eta pena da, izugarrizko produktuak ekoizten baitira hemen bertan. Paisaia bat, jakintza bat eta kultura bat gordetzen dituzte produktu horiek. Animatu horiek kontsumitzera».
Biko jatetxeak ere bertako ekoizleen aldeko apustua egiten du eguneroko jardunean, eta hori nabarmendu dute arduradunek. «Filosofia horren barruan argi genuen euskaraz egingo genuela», adierazi dute. Aitortzagatik eskerrak eman badituzte ere, saria jasotzeak «mindu» ere egiten dituela aitortu du Kattalin Bollainek: «Euskaraz egiteagatik sari bat jaso beharrak erakusten du sektorean gure hizkuntzak duen egoera. Animatzen zaituztegu gainerakoei gure hizkuntza gehiago erabil dezazuen».
Hau da aurtengo sarien segida:
 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
