Goizean goiz jarri dituzte eltzeak sutan lehiakideek. Batzuk herritarrak, besteak eskualdekoak eta hortik kanpokoak ere izan dira. Joseba Usabiagak girotu du lehiaketa, umorea ardatz, eta saridunak ere horrelaxe kontatu edo kantatu dizkigu:
Babarrunik onenak nork prestatu dituen jakiteko sei lagun aritu dira epaimahaian, hain zuzen, Garikoitz Agirre —Larreako sukaldaria—, Ella Bogatir —Asteasuarra tabernako arduraduna—, Naia Ezkerra —Karlatz tabernako arduraduna—, Maider Larrañaga —Arteaga Landetxeko arduraduna—, Jose Luis Peciña —1988ko irabazlea eta Gure Kaiolako arduraduna—, eta Javi Rivero —AMA Tolosa jatetxeko arduraduna—.