Guztira hemeretzi ardo zuri dastatzeko aukera izan dute azokara joan direnek. Gure Txokoa elkarteak Hika txakolindegiari oroigarri bat eman dio azokaren hasieran, ekitaldian urte guzti hauetan eman duen laguntzarengatik. Ardoaz gain, hainbat pintxo jateko aukera ere izan dute Trianguloa plazatik igaro direnak.
Aurten, gainera, lehenengo aldiz Itsaski Azoka egin dute. Trianguloa plazan bertan egin da, eta hainbat postu egon dira. Itsasoarekin, gastronomiarekin eta itsas kulturarekin zerikusia duten produktuak sustatzea, erakustea eta merkaturatzea izan da helburua, artisau-kontserben industriaren sustapena bermatzeko.