Guraso bakarreko familien aitortzan mugarri izan nahi duen dekretua indarrean sartu da EAEn, eta lehen egunetik ehunka familiek eskatu dute ziurtagiri digitala. Horixe izango da hain zuzen biharko astekariko gai nagusia. Aitortza instituzionalaz harago, Arantxa Aburuza eta Irati Iturbe ama bakarrek beren esperientzia pertsonaletatik azaldu dute zer den erabaki konplexu bati heltzea, ardura guztiak bakarrik hartzea eta, hala ere, komunitatean babesa aurkitzea. Onurez, zailtasunez eta oraindik egin beharreko bideaz mintzo dira elkarrizketan.