Martxoaren 8a hain gertu izanik, iritzi artikulu hau erabili nahiko nuke niretzat eta beste hainbat emakume argazkilarirentzat erreferentea izan den Vivian Maier argazkilaria omentzeko. Aurten bere jaiotzaren mendeurrena da, eta Tolosan ere ospatu genuen orain dela ez asko. Urteurren honek, beraz, aukera paregabea ematen dit bere lana berriro aztertzeko eta, bereziki, bere autorretratuen bidez eraiki zuen begirada pertsonal eta ausarta balioesteko.