Emakumeen Nazioarteko Egunarekin bat egingo du datozen egunetan Topic Txotxongiloen Nazioarteko Zentroak. Batetik, igandetik, martxoaren 8tik 15era, zentroaren sarreran, emakumeek egindako eta emakumeek zuzendutako ikuskizunetan erabilitako txotxongiloen erakusketa txiki bat jarriko dute. Denera, zortzi txotxongilo izango dira ikusgai.
Bestetik, museorako sarrera doakoa izango da aipaturiko egunetan emakumeentzat. Gainera, hiru belaunalditako emakumeak elkartuz gero (alaba, ama, amona), opari moduan opari-sorpresa bat izango dute.