Datozen lau urteetarako asmo nagusiak eman zituen ezagutzera ekitaldian Pili Legarra egungo alkate eta Asteasu Batuzeko zerrenda buruak.
Herritarren parte hartzean sakontzeko borondatea agertu du taldeak eta kulturaren arloan egitasmo bat iragarri du: muskerraren ibilbidea prestatuko dute Bernardo Atxaga herritarrarekin elkarlanean.
Ekonomia sustatzeko neurriak ere iragarri ditu Asteasu Batuz taldeak eta hirigintza asmoen artean herriko plaza oinezkoentzako egokitzea aipatu du.
"Ezkertiartzat eta abertzaletzat dugu geure burua baina talde anitza da udal hauteskundeetarako aurkezten duguna, jende berria ere badugu tartean eta denok gaude prest herriaren alde lan egiteko", aipatu du Pili Legarra zerrendaburuak.
