'Ataria'-ren 10. urteurreneko festa hartuko du gaur Tolosako Zerkausiak, eskualdeko artisten eta ekoizleen parte hartzearekin, eta komunitatea osatzen duten guztiekin ospatu nahi dugu.
ATARIA osatzen duen komunitateak ematen duena eskertu nahi dugu, eta era berean, komunitatea osatzen dugunon handitasuna ospatu. Horregatik, Tolosaldeko herritar guztiekin ospatu nahi dugu urteurreneko festa. Beraz, Zerkausira gerturatu eta festara batzeko deia egiten dugu, egin sartu-irtena, unetxo batez edo ekitaldi osoaz gozatzeko. Festa 18:00etan hasi eta 21:30ak ingurura bitarte izango da eta guztia girotzeaz Tolosaldeko artistak arduratuko dira. Tartean gainera, eskualdeko ekoizleen produktuak jan eta edateko aukera egongo da.
Gonbidatuta zaudete!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
