Igandean T3T maratoia eta T2T mendi lasterketak egingo dira. Tolosan hasi eta bertan izango dute helmuga. Iñaki Insausti antolakuntza taldeko kidearekin, eta Alpino Uzturre mendi lasterketa taldeko Olatz Lizartza eta Yashira Navas mendi lasterkariekin hitz egin dugu lasterketei buruz.
Bestalde, Tolosa Judo Klubeko bi bikoteek Espainiako Txapelketa irabazi dute Nage No Kata modalitatean. Seniorretan Unai Saralegik eta Unai Regillagak irabazi dute eta juniorretan Joseba Regillagak eta Joseba Etxarrik. Unai Saralegi eta Joseba Etxarrirekin aritu ginen solasean lorpen horren inguruan.