Erroizpe eta Hernio mendiak igo behar izan dituzte T2T lasterketan parte hartu dutenek. Denera 346 parte hartzailek lortu dute helmugara iristea. Gontzal Murgoitio izan da lehena, 2.04.11 denboran. Atzetik izan du helmugan Jokin Lizeaga, zortzi minutu geroago, 2.12.42ko denboran. Eta hirugarren postua Amets Aramberrirentzat izan da, 2.18.12ko denboran Triangulora iritsita.
Emakumezkoetan Nerea Iturriaga izan da irabazlea, 2.41.26ko denboran helmugako marra gurutzatuta. Gertu izan du Laiane Arrospide ibartarrak garaipena, segundo gutxi geroago helmugaratu baita, 2.41.48an. Hirugarren postua Leire Elola tolosarrak eskuratu du, 2.46.16ko denborarekin.