Horrelakoa behar du hiri eta lurralde batek, zapaltzekoa. Eguzki izpien beharrik gabe, oinetakoak jantzi, kalera atera eta batetik bestera zapaltzeko gogoa ematen duena. Dela hiriko baldosa, dela herriguneko berdea. Zapaldutakoa markatuta utzi ohi dugu. Eta zapaldutakoak markatu egiten gaitu. Bisitari goazenean, bertakoaz janztea gustatzen zaigu. Bada, gurera begira jarri eta bertako zein bisitariei zapatak jantzi eta hiri eta herriguneak zapaldu ditzaten proposatuko diegu. Zapatak bizipenez bete ditzaten. Zapaldutakoak markatuta utziko ditu orduan bidaiariak. Gertukoa, bertakoa, ezagun eta ezezaguna, guztia eskura. Erraldoien hiritik hasi eta Erraldoiaren lurraldera bitartekoa. Guztia zapaltzekoa.