Izaskun eta Alaznek hala ere, negozioa egunetik egunera egokitu behar izan dute, gizartean ematen diren aldaketei erantzunez: «Urte gutxian ohiturak asko aldatu dira; gaur egun, esaterako, ia egunero joaten gara enpresetara bazkariak eramatera, lunch moduko produktuekin. Enpresetako jendea, garai batean, jatetxeetara joaten zen negozioak ixtera, eta gaur egun enpresetan bertan lotzen dira akordioak». Catering zerbitzuak gero eta ohikoagoak izaten dira.
Zerkausian denda berria
Familia egitura aldaketek, kontsumo ohituretan ere aldaketak eragin dituzte. Horrek ere bere eragina izan du Larrea negozioan: «Janari prestatua geroz eta gehiago kontsumitzen da, emakumeak lan munduan integratuta daude, denbora librea askoz gehiago baloratzen da». Honela, Larreak negozio bide berriari ekin zion 2017an, Zerkausian kokaturiko denda, alegia. «Gure asmoa herritik gertuago egotea zen».
Janari prestatua egunero berritzen da, bitrinan ikusgai baitaude eguneko produktuak. Gainera, asteartetik ostiralera 7,5 euroan etxera eramateko menua prest izaten dute, hiru lehen plater, hiru bigarren plater aukeran eta postrearekin. 20:00ak arte denda zabalik dago, garaiko produktuak erosleen eskura, baina baita betiko produktu bereziagoak ere: kroketak, paella edota haragi bolak.
LARREA PLATER PRESTATUAK
Helbidea. ZERKAUSIA KALEA, 5. TOLOSA.
Telefono zenbakia. 943 57 30 81.
E-maila. info@larreaprestatuak.com.
Webgunea. www.larrea-prestatuak.com.