Ez dakit zenbat aldiz idatzi eta esan ote dudan hau honezkero. Gure herrian bada urteko hamabi hilabeteen joana neurtzeko parametro propio bat, zeinaren arabera inauteriek eta sanjoanek markatzen duten tenpo sozial bat, eta tarteko bizitza haien konpasean dantzatzen duten egunek osatzen duten. Duzun lan-egutegia duzula ere, urtea hasten da inauterietan, eta udako oporrak hasten dira ekainaren 25ean. Inork pentsa lezake hori guztia txokokeria galanta dela, baina, kontua da egutegiari begiratzeko modu horrek baduela zerbait egia praktikotik eta emozionaletik ere.