Herri kirolen erakustaldiak hartu du Trianguloa plaza, eguerdian. Euriak utzi duen neurriko saioa egin dute, harri jasotzaileak Gaztelako atearen azpian babesean zirela. Ugaitz Mugerza eta Eneko Otaño aizkolariak bai, haiek euripean osatu behar izan dute lana, baina, hala ere, txukun bukatu dituzte egitekoak.
Karmele Gisasola eta Lucia Orbe aritu dira harria jasotzen eta bigarren lan batean ere jarri dituzte: ingudean. Lan horretan, Jon Loiola ere aritu da. Jokin Eizmendi harri jasotzaileak ere hartu du parte erakustaldian.
Plazako festa amaitu da baina sanjoanek aurrera jarraitzen dute, arratsaldean eta bihar ere izango delako zertaz gozatua. Ikusi hemen egitaraua.