Urtea astearekin batera, hileko azken osteguneko saio kulturalei ekingo dio Ibarrako Galtzaundi tabernak. Hurrengo saioa urtarrilaren 31an izango da, 18:00etatik aurrera. Bertan, Nora Salbotx Alegria baztandarra izango da hezkuntzari buruzko bere ikuspuntua emateko hitzaldia eskaintzen. Esperientzia oparoa du pilatuta Salbotxek hezkuntzaren arloan: Amaiurko eskola txikian irakasle hastapenean; eta irakasleen formakuntzan ondoren —Mondragon Unibertsitatean nahiz Nafarroako Unibertsitate Publikoan—. Saioan, Uztupeko 4. DBHko ikasleek landutako gaiei buruz arituko da aditua, hala nola, ebaluatzeko sistema, ikasle-irakasle harremana, ikasleen eskubideak, hizkuntzen trataera, genero berdintasuna... Saioa Uzturpe ikastolaren Kultur Astearen baitan kokatzen da.
Gorputz jarrera orekatu eta egokia lortzeko teknika. Izena aurrez eman beharko da.
Loatzo musika eskolako ikasleek emanaldia eskainiko dute, kultur etxean.
Otsailaren 4an kantuan atera nahi dutenek entsegua izango dute, udaletxeko areto nagusian.
Txotxongilo animatuak erakusketa. Lourdes Villagomez eta Coke Rioboo-k komisaro-lanak egin dituzten erakusketa honetan zine, telebista, publizitate eta abarrean erabiltzen den stop motion animazioaren teknikaren begirada eta ibilbidea azaltzen da. Txotxongilo animatuak erakusketak, espainiar estatuan animatzaile garaikide independenteek berriki eginiko lanetan oinarrizten da. Animazioa adierazpen pertsonalerako erreminta gisara erabiltzen duten artisten panpin, dekoratu eta filmak aurkezten zaizkigu. Horien artean ondorengo artistak aurki ditzakegu: Isabel Herguera, Fernando Cortizo, Eduard Puertas, Irene Iborra, Anna Solanas, Marc Riba, César Díaz, Sam Ortí, Virginia Curiá, Tomás Conde, Lula Gómez, Cristina Vilches, Valle Comba, Asis Merino eta Coke Riobóo.
Juan Jose Arinen argazkiekin osatutako erakusketa ikusgai dago, Ibarrako kultur etxean.
Sagararte, erakusketa eta artea dastatzeko aukera. Astarbe sagardotegiak sustatutako erakusketa.Hebrear, greziar, erromatar, bikingo, zelta, kristau zein euskaldunak sagarrez mintzatu izan dira mitologia zein kondaira propioen bidez. Sagardoaren Kondaira erakusketak kondaira horietan guztietan zehar bidaiatzea proposatzen dio bisitariari, sagardoaren jatorriak ezagutuz.
San Juan eskolako ikasleek prestatutako erakusketa, Kazakhstani buruz.
Ikus-entzunezko, liburu eta erakusketak osatu dute, Pablo Dendaluzek, Joseba Urretabizkaiak eta Joxemi Saizarrek osatutako proiektua. Aranburu jauregian ikusgai izango da erakusketa. Tolosako 52 inauterizale elkarrizketatu dituzte, inauterien iragana, oraina eta etorkizuna irudikatzeko. Aldizkakotasuna: asteartetik larunbatera.
Ibarrako San Inazio auzoaren 50. urteurrena dela eta, argazki historikoen erakusketa antolatu dute.