Antaliseko 26 langile daude Madrilen

Tolosaldeko Ataria 2014ko urt. 23a, 10:03
Antaliseko langileak Madrileruntz abiatu dira gaur goizean goiz, enpresak Espainian duen egoitza nagusian elkarretaratzea egiteko asmoz. ELAko Mikel Zabaletak azaldu duenez, 11:00etan hasiko dute elkarretaratzea eta informazioa ere banatuko diete hango langileei.

Antaliseko langileak ez daude etsitzeko prest. Zuzendaritza orain arte itxieraren inguruan hitz egitera mugatu da, baina beraiek borrokan jarraitzeko asmoa dute. Zentzu horretan Madrilera joango dira bihar Antalisek Espainian duen egoitzara. Bertan Albizturko plantaren itxiera salatuko dute eta bertako langileei enpresak egun batetik bestera hartutako itxiera erabakia azaltzen saiatuko dira.

Langileak orain arte, bideragarritasun plan bat egitearen alde azaldu dira lanpostuak bermatze aldera, baina enpresak ez du eskaera aintzakotzat hartu. Gipuzkoako Foru Aldundiaren eta Tolosaldea Garatzenen laguntza izaten ari dira, baina oraingoz ez dira zuzendaritzarekin akordio batetara iritsi.

Urtarrilaren 13a arte luzatu zen negoziaketa epea, baina akordiorik lortu gabe, izan ere langile batzarrak ez zuen onartu enpresak egindako eskaintza. Hala ere, langileek negoziatzeko borondatea dutela utzi zuten argi uneoro, ELA sindikatuak azaldu duenez.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!