Antaliseko langileak Madrilen daude

Tolosaldeko Ataria 2014ko urt. 23a, 10:08
Antaliseko langileak Madrileruntz abiatu dira gaur goizean goiz, enpresak Espainian duen egoitza nagusian elkarretaratzea egiteko asmoz. ELAko Mikel Zabaletak azaldu duenez, 11:00etan hasiko dute elkarretaratzea eta informazioa ere banatuko diete hango langileei.

Albizturren dagoen lantokiko 39 langileetatik 26 joan dira gaur goizean Madrilera. Euren asmoa protesta egin eta Antaliseko Espainiako egoitza nagusiko langileei informazioa banatzea da. 

Zuzendaritza orain arte itxieraren inguruan hitz egitera mugatu da, baina borrokan jarraitzeko asmoa dutela azaldu dute langileek. Langileak orain arte, bideragarritasun plan bat egitearen alde azaldu dira lanpostuak bermatze aldera, baina enpresak ez du eskaera aintzakotzat hartu. Gipuzkoako Foru Aldundiaren eta Tolosaldea Garatzenen laguntza izaten ari dira, baina oraingoz ez dira zuzendaritzarekin akordio batetara iritsi.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!