Ikastolako lehendakariak borondatez lan egin duen lanaren jarrera agertu du, "ez bakarrik gaurko egunez, urte osoan zehar erre gabe, umorez jardun dutelako ikastolaren alde". Umorerik galdu gabe, elkarren arteko lana nabarmendu du.
Bisitari asko etorri dira gaur Tolosara. RENFEk emandako datuen arabera, eguerdirako dagoeneko 20.000 lagun zebiltzan herriko kaleetan. "Jendeak betekada sentsaziorik izan ez zezan zen hasieratik gure helburua eta horregatik ibilbide dinamikoa antolatu genuen. Helburua lortu dugula uste dugu, ez delako pilaketa handirik egon", nabarmendu du Joxan Oizek.
Lanak ez dira gaur amaitzen. Bihar azpiegitura guztiak desmuntatu eta hurrengo kilometrotarako txostenak prestatu beharko dira. Laskorain Ikastolako lehendakariak herritarrei deia luzatu die, "hemendik 15 egunetara Tuteran ospatuko den Nafarroa Oinezera joateko".
