Aurkezpen ekitaldian, Plazida Otañoren eskultura jendeari erakusteaz gain, 'Plazida, oihartzunaren plaza' ipuinaren irakurketa konpartitua egin dute ikasleek.
Orain gutxi kaleratu dute Oihana Iguaran bertsolariak eta Maria Altuna ilustratzaileak Plazida Otañoren bizitza jasotzen duen ipuin ilustratua, eta gaur goizean, bere eskulturaren aurkezpena egin dute Zizurkilen. Eskultura sortzen parte hartu dutenak Pedro Mari Otaño herri eskola, Zubimusu ikastola, San Millan eskola eta Plazida Otaño liburutegia izan dira.
Goizeko ekitaldian, Plazida Otañoren eskulturaren aurrean, Plazida, oihartzunaren plaza ipuinaren irakurketa konpartitua egin dute LH5 eta LH6ko ikasleek, Plazida Otaño liburutegian bertan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!