Aiztondo bailarako manifestazioa izango da 19:00etan, Giza eskubideak, bakea eta irtenbidea lelopean. Villabonako Errebote plazatik aterako da eta Zizurkilgo Joxe Arregi plazan amaituko da Aiztondoko sei udalek deituta.
Manifestazioan parte hartzen duten herritarrek hiru eskaera egingo dituzte: batetik, dispertsioa amaitzea eta euskal presoak Euskal Herriratzea, «beharrezkoa baita presoei eta batez ere beren familia eta eta lagunei bidegabeko zigor erantsia ezartzen dien sakabanaketa politikarekin behin betiko amaitzea». Bestetik, eskatuko dute gaixotasun larri edota sendaezinak dituzten presoen kaleratzea, «espetxetik irten eta etxetik hurbilen dagoen erietxean egoteko eskubide osoa dutelako, Espainiako Estatuko legedian bertan jasota dagoen bezala». Azkenik, 70 urtetik gora dituzten presoak kaleratzeko eskatuko dute.
Alegian, Altzon eta Anoetan kontzentrazioak
Alegian, euskal preso eta iheslarien aldeko manifestazioa egingo dute 19:00etan. Altzon kontzentrazioa egingo dute Altzotarra naiz eta giza eskubideen alde nago. Horregatik nik, #SalatzenDut leloarekin, 20:00etan.
Anoetan, 19:30ean bilduko dira udaletxe aurrean, Sarek deituta.