2011ko urrian, Pirinioen Lan Batzordearen bilkura batean tartak jaurti zizkioten Yoanda Barcinari, abiadura handiko trenaren egitasmoaren kontra protesta egiteko. Nafarroako Gobernuko presidenteari tartak jaurti zizkioten lau lagunen kontrako epaiketa azaroaren 18an abiatuko da eta haiei elkartasuna adierazteko elkarretaratzea egin da gaur Triangulon.
Tolosaldeko AHT Gelditu Elkarlaneko kideak Tolosan izan dira goiz osoan zehar. Materiala saldu eta informazioa emateaz gainera, jolasa ere proposatu diete bertaratutakoei: Yolanda Barcina eta Iñigo Urkulluren irudiei tartak jaurtitzea.
Abiadura Handiko Trenaren inposizioa salatzeaz gainera, "mugimendu hau kriminalizatzeko saiakeraren beste kapitulu bat da orain tartalariekin gertatzen ari dena". Tren azkarra egiteko xahutzen ari diren dirutza ere izan dute aipagai AHTaren aurkariek. "Oraindik azpiegitura lan erraldoi hau egiteko gastatu beharreko diruaren erdia baino gutxiago gastatu dute eta atzera bueltarik ez daukan egitasmo bezala saldu nahi digute".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
