Geroz eta gutxiago falta da Ostegun Gizenerako, eta jada ohiko hitzorduetara biltzen ari dira herritarrak. Gaur goizean Aiz-Orratz elkartearen Haur Jaialdia egin dute eta nola ez, elkarteko txarangaren kalejirarekin hasi da ospakizuna.
Lehen txaranga hotsak entzun ahal izan dira gaur, Tolosako kaleetan. Aiz-Orratz elkarteak 53. Haur Jaialdia egin du Leidorren, eta bertara iristeko ohiko kalejira egin dute elkartetik abiatuta. Trianguloan egin dute geldialdia eta han Txirri, Mirri eta Txiribiton pailazoak batu dira festara.
Oraindik ez da jai eguna bukatu Tolosan, 19:00etan Urdina Txiki Elkartearen txanda izango da. Kaldereroen Konpartsa aterako du eta Plaza Zaharretik abiatuta, Alde Zaharrean zehar zabalduko dute jai giroa. 23:30eatik aurrera txaranga doinuak entzuteko aukera izango da berriz ere, Incansables txaranga ibiliko baita kalez kale.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
