Sare herritarrak urteroko mobilizazio isila egin du, gaur ere, dispertsioaren aurka; bereziki salatu dute Manu Azkarateren afera.
Olentzero eta Mari Domingiren etorrera amaitu bezain pronto, aldarri-isiltasunak hartu ohi du Tolosa, Gabon gauean. Etxetik urrun daudenen aldeko isiltasun ozena izaten da, eta gaurkoa ere halaxe izan da: gabon gauari distantzia lapurtzeko martxa bat.
Ohiko ibilbidea egin eta gero, Euskal Herria plaza baliatu du Sarek, mobilizazioa biribildu eta dispertsioaren aurkako mezua ozen zabaltzeko.
Villabonan, bestalde, Kalera, Kalera! dinamikarekin bat egin eta mobilizazioa burutu dute Malkar plazan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!