Manu Azkarate tolosarra Madrilgo Soto del Real espetxeko erizaindegian dago eta 7 egunez izan dute inkomunikatuta. Marsella inguruan atxilotu zuten abenduaren 15ean, eta ordutik Frantzian eduki dute. Espainiak 1980ko auzi batzuengatik epaitu eta zigortu nahi du.
Espetxean sartzeko orduan dagokion telefono deia egin ahal izan dio Azkaratek bere amari eta horrela baieztatu ahal izan dute Soto del Realen dagoela. Izan ere, eta Naiz.eus-en arabera, preso sozial baten senide baten bidez jakin dute tolosarra espetxe horretan dagoela, Azkarateren familiarekin harremanetan jarri baita. Beranduago tolosarrak berak deitu du eta baieztatu du atzo arratsaldeaz geroztik dagoela kartzela horretan. Ondo dagoela eta erizaindegian dagoela adierazi die senideei.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!