Aiztondora Egunean, eguerdian ekitaldi instituzionala egin da Asteasun, eta arratsaldean hainbat ekimen izan dira bertako frontoian, Aiztondo bailarako presoak etxean nahi dituztela eskatuz.
Bai eguerdian Aiztondo bailarako udalerrietako ordezkariek zein arratsaldean egindako ekitaldian dispertsioaren amaiera eskatu dute. Arratsaldean egin den ekitaldian bailarako zazpi presoen senideak izan dira bertan, eta presoen etxeratzea eskatu dute. Nekane Txapartegi Suitzan preso dagoen asteasuarraren gutun bat entzun ahal izan da ere.
Ekitaldiaren aurretik, herri kirol lehia izan da bailarako herriak ordezkatuz parte hartu duten gazte taldeen artean. Ekimenak oraindik aurrera jarraitzen du afariarekin eta ondoren Xabi Solano eta Zigor DZren kontzertuarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
