Zabalik da izena emateko epea Amezketako Udaleko udaleku irekietan. Ikasturte honetan Haur Hezkuntzako 2 urtetik hasi eta Lehen Hezkuntzako 6 urte arteko haurrek eman ahal izango dute izena, eta maiatzaren 3a izango da horretarako azken eguna.
Udalekuak ekainaren 25etik uztailaren 19ra izango dira, astean bost egunetan eta 10:00etatik 13:00era. Izena emateko orria bete eta udaletxera eraman edo gazteria@amezketa.eus helbide elektronikora bidali behar da. Antolatzaileek nabarmendu dute ez dutela onartuko epez kanpoko izen-ematerik, joan den urteetan «salbuespen gisa egin den bezala».
Zalantzarik izanez gero 688 711 675 telefono zenbakira deitzeko jakinarazi dute. Informazio osagarria Amezketako Udalaren web orrialdean.
Begirale izateko deialdia
Udalekuetan lan egin nahi dutenek ere, dagoeneko, bidal dezakete eskaera. Koordinatzaileak, begiraleak eta praktiketako bi pertsona behar dituzte. Parte hartu nahi dutenek igandea —maiatzaren 5a— baino lehen bidali beharko dute izena emateko orria. Informazio osagarria Amezketako Udalaren web orrialdean.