Baina, norberak, hegan egiteko bere modua aukeratzen du. Hegazti izateko aukerarik ez dugunok, lainoz beteriko itsasoan murgildu eta, abioia, abioneta, globo aerostatikoa, parapentea eta ahal dutenek nabe espaziala erabiliz egiten dute hegan!
Bada ordea hegan egiteko beste modu bat. Garraioak hainbeste inporta gabe ere, beste aldean dagoenak erakartzen zaituenekoa: hamarkada batez ikusi gabeko senitartekoak, mundua jateko gogoa duen nerabetzaroko Erasmus proiektuak, unean unekoa bertatik kontatzeko kazetari baten zuzeneko lanak, tokian tokiko sukalde ezberdinen gutixiak dastatzeko exijentziaz bereriko mihi zein dastapapilak, eta nola ez, maitasunez beteriko bikote baten eztei bidaiak.
Funtsean, argiune zein itzalez beteriko bidaiak izan ohi dira, momentu ezberdinak biziarazten dizkizutenak, eta zure bizitzara oraindik ikasia ez duzun hori irakasteko etortzen direnak. Magikoak.
Hegazti izateko aukerarik ez dugunok, lainoz beteriko itsasoan murgildu eta, abioia, abioneta, globo aerostatikoa, parapentea eta ahal dutenek nabe espaziala erabiliz egiten dute hegan!
Izan ere, bidaiek zein ipuinek gauza bera dute amankomunean: ezinegonaz hasi, eta malenkoliaz amaitzen dira. Gutariko bakoitzari dagokigun bizitzaren zikloa bezala.