Gipuzkoa bertsotan

Tolosaldea bertsotan

Lau urtez behin Gipuzkoako bertsolariek euren trebezia erakusten dute taula gainean eta epaileen aurrean; urte horietako bat da aurtengoa, abenduan bertsolari batek txapela jantziko baitu; Tolosaldekoa izango ote da?

Gipuzkoako Bertsolari Txapelketa irailaren 20an hasiko bada ere, bihar Gipuzkoa Bertsotan izena jarri dioten sailkapen fasea abiatuko da. 74 bertsolarik hartuko dute parte eta horietako bederatzi Tolosaldekoak dira, Harituz bertsozale bilgunekoak: Adur Gorostidi (Abaltzisketa), Txomin Azpiroz (Anoeta), Haritz Mujika (Asteasu), Unai Mendizabal (Zizurkil), Oihana Iguaran (Amasa-Villabona), Beñat Iguaran (Amasa-Villabona), Iñigo Gorostarzu (Berastegi), Imanol Irazustabarrena (Alegia) eta Mikel Artola (Alegia).

Batzuentzat lehenengo aldia izango da, beste batzuek esperientzia errepikatuko dute. Guztiak baina, baldintza berdinak dituzte sailkapen fasea igarotzeko: bi saio egin beharko dituzte, horietako bat goizekoa eta beste bat arratsaldekoa, egun ezberdinetan. Bi saioetako puntuen batuketak emango du bertsolari bakoitzaren osoko puntuazioa eta horren arabera osatuko da sailkapena. Azken sailkapeneko lehenengo 30 bertsolariek lortuko dute Gipuzkoako Bertsolari Txapelketarako sailkatzea.

Gipuzkoa Bertsotan orotara, hilabeteko epean 24 saio izango dira, 12 herritan jokatuko direnak. Herri bakoitzean bi saio jokatuko dira egun berean, goizez eta arratsaldez. Herri horietako bat Zizurkil izango da; maiatzaren 31n egingo dira saioak, Atxulondo kultur etxean.

Saioetako sarrerak egun berean salduko dira aretoan bertan, eta leihatila 10:00etan eta 16:00etan zabalduko da. Ohi bezala, Bertsozale Elkarteko bazkideek eta 16 urtetik beherakoek prezio berezia izango dute sarreretan. Halaber, eguneko bi saioetako txartelak prezio berezia izango du.

Protagonistak bertsolariak izango dira, baina Gipuzkoa Bertsotan-en ere eskualdeko bestelako parte hartzaileak izango dira. Gai-jartzaileen artean Iker Iriarte, Imanol Artola eta Ion Zaldua ariko dira, eta epaileen artean Felix Irazustabarrena, Zigor Leunda eta Mikel Beloki.

Sailkapen fasea gainditzen dutenek ekingo diote Gipuzkoako Bertsolari Txapelketari eta horiei batuko zaie aurreko txapelketan dagoeneko txapela lortu zutenek. Tartean Jexux Mari Irazu larrauldarra izango da, orain lau urteko finalean izan zena.

Hamar bertsolariekin hitz egin du TOLOSALDEKO ATARIA-k, eta ondoko orrialdeetan irakurri daitezke txapelketari begira dituzten helburu eta nahiak, zein prestaketa egin dituzten eta nor ikusten duten abenduaren 20an Donostian jokatuko den finalean txapela janzteko faborito.

ESKUALDEKO BERTSOLARIEN SAIOAK

Maiatzak 9, larunbata

11:30. Astigarragako kultur etxean, goizeko saioan ariko dira Imanol Irazustabarrena eta Haritz Mujika.

Maiatzak 10, igandea

11:30. Oiartzungo udaletxeko areto nagusian, goizeko saioan ariko da Oihana Iguaran.

11:30. Idiazabalgo Guraso Elkartea aretoan, goizeko saioan ariko da Beñat Iguaran.

17:30. Oiartzungo udaletxeko areto nagusian, arratsaldeko saioan ariko da Mikel Artola.

17:30. Idiazabalgo Guraso Elkartea aretoan, arratsaldeko saioan ariko da Iñigo Gorostarzu.

Maiatzak 16, larunbata

17:30. Antzuolako Torresoroa aretoan, arratsaldeko saioan ariko dira Adur Gorostidi, Unai Mendizabal eta Txomin Azpiroz.

Maiatzak 17, igandea

11:30. Bergarako Zabalotegi aretoan, goizeko saioan ariko da Mikel Artola.

Maiatzak 30, larunbata

17:30. Oñatiko Santa Ana aretoan, arratsaldeko saioan ariko da Imanol Irazustabarrena.

17:30. Zumaiako Aita Mari zineman, arratsaldeko saioan ariko da Oihana Iguaran.

Maiatzak 31, igandea

11:30. Usurbilgo Sutegi aretoan, goizeko saioan ariko da Adur Gorostidi.

17:30. Usurbilgo Sutegi aretoan, arratsaldeko saioan ariko da Haritz Mujika.

17:30. Zizurkilgo Atxulondo kultur etxean, arratsaldeko saioan ariko da Beñat Iguaran.

Ekainak 6, larunbata

11:30. Ataungo Herri Antzokian, goizeko saioan ariko dira Unai Mendizabal, Txomin Azpiroz eta Iñigo Gorostarzu.

ARIKETAK

GOIZEKO SAIOA

Zortziko handia. Binaka, gaia emanda, hiruna bertso egin beharko dituzte.

Zortziko txikia. Binaka, gaia emanda, hiruna bertso.

Iparragirre doinua. Binaka, gaia emanda, Iparragirreren doinuaren molde berrian (AABBAA), hiruna bertso.

Kartzelako lana. Bi punturi erantzun, zortziko txikian. Azken aurreko puntua emanda, gehienez 5 puntuko neurri handiko bertsoa osatu beharko dute.

ARRATSALDEKO SAIOA

Zortziko handia. Binaka, gaia emanda, hiruna bertso.

Lauko handia. Binaka, gaia emanda, launa kopla.

Hamarreko txikia. Binaka, gaia emanda, hiruna bertso.

Kartzelako lana. Bakarka, gaia emanda, nahi den doinu eta neurrian, bina bertso.

Erlazionatuak

Bigarren itzuliari hasiera eman diote Gipuzkoa Bertsotanen

Tolosaldea

Asteburu honetan lau herritan izan da Gipuzkoa Bertsotan, Txapelketarako sailkapen fasea. Antzuolan bigarren tokian sailkatu zen Adur Gorostidi eta...
Gipuzkoa Bertsotan: bigarren eta seigarren postuetan sailkatu dira eskualdekoak

Tolosaldea

Egoitz Eizagirrek irabazi du gaur arratsaldeko saioa Antzuolan, 250 puntu lortuta.
Gipuzkoa Bertsotan: Gorostidi, Azpiroz eta Artolaren txanda

Tolosaldea

Gipuzkoa Bertsotan sailkapen fasearen barruan Antzuolan Adur Gorostidi eta Txomin Azpirozek kantatuko dute larunbata arratsaldean. Igande goizean B...
"Txapelketan bertsoaldi polit batzuk uztea gauza ederra da"

Larraul

Jexux Mari Irazu larrauldarra zuzenean pasako da Gipuzkoako Bertsolari Txaoelketako bigarren fasera; orain lau urteko finalera iritsi baitzen.
"Nire buruarekin gustura geratu nahi dut; hori izaten da zailena"

Anoeta

Erronkatzat du Txomin Azpirozek bere parte hartzea Gipuzkoa Bertsotan-en. Bere lehen saioa maiatzaren 16an, larunbatean izango sa Antzuolako Torres...
Iguaran, Artola eta Gorostarzu, garaile lehen saioetan

Tolosaldea

Oihana Iguaranek eta Mikel Artolak irabazi dituzte Oiartzungo saioak, eta Gorostarzuk Idiazabalgoa. Beñat Iguaranek bigarren egin du bere sa...
"Orain arte egin ez dudan plaza bat egiteko aukera da txapelketa"

Zizurkil

Unai Mendizabal zizurkildarraren lehen aldia izango da Gipuzkoako Bertsolari Txapelketan. Maiatzaren 16an, larunbatean, 17:30ean abestuko du lehene...
"Azken lau urteotan zer egin dugun epaileen aurrean erakusteko aukera da"

Abaltzisketa

Gipuzkoako Txapelketako epaileen aurrean jarriko da lehenengoz Adur Gorostidi. Maiatzaren 16an, larunbatean, arratsaldeko 17:30ean Antzuolako Torre...
"Bakarka arantza ateratzeko moduan ari naizela uste dut"

Berastegi

Iñigo Gorostarzu 'beteranoa' da Gipuzkoako Bertsolari Txapelketan. Aurten Gipuzkoa Bertsotan-en ariko da igandean, maiatzaren 10ean, 17:30ea...
"Segurtasun gehiago izaten eta bertsokera zehatzagoa egiten saiatu naiz prestaketekin"

Alegia

Mikel Artola aurretik ere ibilia da Gipuzkoako Bertsolari Txapelketan. Aurten, jende aurrean igandean, maiatzaren 10ean, 17:30ean Oiartzungo udalet...
"Aurten ez diot hainbesteko garrantzirik eman, baina horrek ez du esan nahi gutxiago prestatu dudanik"

Amasa-Villabona

Gipuzkoa Bertsotan-en barruan Beñat Iguaran igandean, maiatzaren 10ean, Idiazabalgo Guraso Elkartea aretoan ariko da 11:30ean.
"Aurtengo sailkatze fasearen galbahea estuagoa da; gustatuko litzaidake hori pasatzea"

Amasa-Villabona

Oihana Iguaranek bere bertsokera bihar erakutsiko du Oiartzungo udaletxeko areto nagusian, 11:30ean.
"Binaka edo banaka aritzeko lehentasunik ez dut"

Asteasu

Gipuzkoa Bertsotan-en estreinatuko da Haritz Mujika asteasuarra. Astigarragako kultur etxean, larunbatean, maiatzaren 9an, 11:30ean egokitu zaio be...
"Ez diot presiorik jarri nahi neure buruari, kalterako bakarrik izango da"

Alegia

Imanol Irazustabarrenak lehen aldiz parte hartuko du Gipuzkoa Bertsotan fasean, larunbatean, maiatzak 9an, Astigarragako kultur etxean 11:30ean.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!