Amaia Azkue Tolosaldeko Mankomunitateko ordezkari politikoak. Zabortegien bilakaeraz eta herritarrek orain arte ordaindu dutenaz hitz egin du Azkuek: «Herritarrek jakin behar dute orain arte tasetan ordaindu dutena ez dela aski izan hondakinak kudeatzeak sortzen duen gastua estaltzeko. Urte guztiotan udalek euren baliabideak erabili behar izan dituzte defizita ordaintzeko».
Aurrez, Azkueren aurretik, Josu Amilibiak hitz egin zuen hondakinen inguruan Ataria Irratian. Adunako alkateak orain arte egindako lana nabarmendu zuen, besteak beste, auzo konposta guneak aipatuz. Bestalde, ekarpen guneak zabaltzekotan dira Adunan, eta horren inguruan hitz egiteko, herritarrekin azaroan elkartuko dira udal ordezkariak.
