Hondakinak

Hondakinen inguruko bulegoa jarri dute Ikaztegietan

Ikaztegietako herritarrak aste gutxiren bueltan atez ateko bilketa sistema berriarekin hasiko dira euren hondakinak kudeatzen. Eskualdean dagoeneko bost herrik bilketa berriarekin funtzionatzen dute, eta «emaitza ikusgarriak» ematen ari dela nabarmendu dute Tolosaldeko Mankomunitatetik.

«Herri horietan, datuak iraultzea lortu da, eta hori ikusirik, Ikaztegieta herriak ere garbi du zein den jarraitu beharreko bidea», esan du Mankomunitateak. Atez ateko bilketa sistema ahalik eta egokien zabaltzeko, herritarren artean batzar informatiboa egin zuten iragan ostiralean eta larunbatean. Horrez gain, aste honetatik aurrera, ikaztegietarrei zuzenduta egongo den informazio bulegoa zabalduko dute.
Asteburuko batzarretan, Iker Otamendi alkateak udalak atez atekoaren alde egiteko arrazoiak aipatu zituen, hala, ingurumenarekiko errespetua, herritarren ongizatea, bideragarritasun arrazoiak eta arrazoi ekonomikoak aipatu zituen Otamendik. Teknikariek, aldiz, gaikako bilketaren berri eman zuten, aspektu teknikoak azalduz. Hori horrela, bertan azaldu zenaren arabera, Ikaztegieta bitan banatu dute. Alde batetik, landa inguruak identifikatu dituzte, eta bestetik, herriko nukleoa. Bi hauetan, sistemak «aldaera batzuk» izango dituela esan zuten: «Hondakinen bilketa efizienteagoa izan dadin, landa ingurukoentzat bi ekarpen gune izango dira, eta bertara eramango dituzte euren hondakinak, gaika sailkatuta. Gune hauetan sartu ahal izateko, giltza izango dute herritar hauek, eta nahi dutenean erabili ahalko dituzte».
Herriko gunean bizi diren herritarrek, berriz, portal edo ate ondoan kuboa utziz funtzionatuko dute. Egun bakoitzean, iluntzean, dagokion hondakina aterako dutelarik. Herritar hauek, emergentziaren bat dutenean edo hondakin kopuru handiak dituzten egunetan, landa eremukoen ekarpen gune horiek erabiltzeko aukera ere izango dute.
Alegiarekin duen gertutasunarengatik eta bilketa lanak errazago egiteko, bertako egutegi bera izango du Ikaztegietak ere. Kubo motak ere berberak izango dira, eta orokorrean, sistema bera izango dela jakinarazi dute udaleko eta mankomunitateko ordezkariek.Ikaztegietaren kasuan, teknikariek zera jakinarazi zuten: «Edifikazio ez oso altuak izatean, kuboak zutabeetan zintzilikatu ordez, lurrean uzteko aukera eman diete herritarrei gehien bat. Hala, egunean zehar ez da ezer egongo kalean». Teknikari taldeak, euren proposamena egin dute, kuboak non utzi adieraziz, argazki muntai batekin. Argazki hauek, portal bakoitzean egongo dira ikusgai, eta azaroaren 5a arte izango dute ikaztegietarrek, euren aldaketak edo ekarpenak egiteko aukera.
Paperaren edukiontzi komunitarioa nahi duten etxebizitzek, egun horretararte izango dute beta, honen eskaera egiteko. Alegazioak eta eskaerak egiteko zein edozein galdera edo informazio eskuratzeko, informazio bulego bat izango da irekita, Ikaztegietako Udalean. Astearteetan goizeko 09:00etatik 11:00etara eta asteazkenetan arratsaldeko 18:00etatik 20:00etara. Bertan, hezitzaile bat egongo da, eta atez atekoaren inguruko azalpen guztiak emateko prest izango da. Bertaratu ezin dutenek, ikaztegieta@tolosaldea.org edota honako zenbaki honetara deituta dezakete: 661 55 97 57ra.
Azkenik, behar bereziak dituzten herritarrekin, udaleko gizarte langilea jarriko dela harremanetan adierazi dute.

Erlazionatuak

Rafa Etxeberria: «Trantsizio ordenatu bat behar dugu»

Amasa-Villabona

Ingeniaria, aholkularia, autonomoa, eta deitzen dioten leku guztietara joaten den horietakoa da Rafa Etxeberria (1967, Laudio, Araba). Atzo, Amasa-...
Christopher J. Harmer: «Ez badiguzue sinisten, begiratu hona eta ikusi; gertatzen ari da!»

Tolosaldea

Christopher J. Harmer Zero Waste England taldeko kidea da. Iragan ostiralean, Gipuzkoako hondakinen kudeaketa ezagutzera etorri zen eskualdera.
Eskualdeko hondakin sistema berriaren ingeles azentua

Tolosaldea

Zero Waste England edo Zero Zabor Ingalaterrako kideek Gipuzkoa ezagutu nahi zuten, eta batez ere, Orendain. Horretarako, Gipuzkoa Zero Zabor talde...
Tolosari hondakinak era jasangarrian biltzeko eskua luzatu nahi dio Mankomunitateak

Tolosaldea

Tolosaldeko Mankomunitateak hainbat neurri adostu zituen azken batzarrean. Besteren artean, kartoi hondakin gehiago sortzen duten lekuetan, saltoki...
Hondakinak atez ate bilduko dituzte Ibarran, aurrerantzean

Ibarra

Hondakin organikoa jaitsiz emango zioten hasiera atez ateko hondakin bilketari, Ibarran, ostiral iluntzean. Ostiral gauean hasi ziren sistema berri...
1.200 konpostagailu gehiago jarriko dituzte eskualdean 2014an

Tolosaldea

Amaia Azkue Tolosaldeko Mankomunitateko ordezkariak azaldu duenez, "apostu garrantzitsua" egiten ari dira konpostagailuetan, inbertsio handia egine...
Hondakin bilketa adosteko, sistemak uztartzeko prest dago Tolosako udal gobernua

Erabiltzailearen aurpegia Tolosa

Tolosako Udalak plazaratu du, jada, Idema enpresak herriko hondakinen bilketa sistemari buruz egindako azterketaren hirugarren fasea. Topic zentrok...
Gipuzkoako Aldundiak Zero Zabor herriak zoriondu ditu

Orexa

Gipuzkoako Aldundiak Tolosaldeko zero zabor herriak zoriontzeko ekitaldia egin du gaur goizean Orexan. Orendainekin hasitako bidea Orexak berak eta...
IDEMAren txostena «pozez» hartu du Tolosa Zero Zaborrek

Tolosa

Enpresak azterturiko bilketa sistema guztiak baloratu, eta «eraginkorrena» atez atekoa dela diote.
Patxi Amantegi: «Bilketa sistema onena zein den argi gelditu da»

Ikasturte berrian ere hondakinen gaiak talka sortzen jarraitzen du. Herenegun, Tolosako Udalak batzarra deitu zuen, eta atzo, Tolosaldea Txukunek, ...
Patxi Amantegi: "Derrigorrezko bosgarren edukiontziak bakarrik betetzen ditu baldintza guztiak"

Tolosaldea

Tolosaldea Txukunek prentsaurrekoa eskaini du gaur eguerdian Tolosako kultur etxean.
Hondakinen bilketa sistema berria erabakitzeko azken urratsak

Tolosa

Atzo herri batzarrean aurkeztu zituen Tolosako Udalak hondakinak biltzeko bost sistema posible; adostutako helburuak zeinek bete ditzaketen proposa...
Konposta egiteko aukera zabalik dute herritarrek

Tolosaldea

Tolosaldeko Mankomunitateak konposta egiteko herritarrek oraindik aukera guztiak zabalik dituztela gogoratu dute. Horretarako, konpostatu.tolosalde...
Amaia Azkue: "Herritarrek tasetan ordaindu dutena ez da aski izan hondakinen kudeaketaren gastuari aurre egiteko"

Tolosaldea

Amaia Azkue Tolosaldeko Mankomunitateko ordezkari politikoak zabortegien bilakaeraz eta herritarrek orain arte ordaindu dutenaz hitz egin du: «Herr...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!