Joan den astean zabor ontzi selektiboak jarri zituen Tolosako Udalak, herriko hainbat gunetan
Herriko parkeetan jarri dituzte, aste honetan, ontzi berriak.
Tolosako Udalak «birziklatzearen aldeko apustua» kalera ere eraman nahi izan du, eta ondorioz, kaleko zabor ontziak aldatzen hasi da: pasa den astean gaika sailkatzea ahalbidetzen duten ontziak jarri zituzten herriko hainbat lekutan, eta aste honetan haur parkeetan jarri dituzte.
Udalak azpimarratu duenez, azken berrikuntza hau, ingurumen hezkuntzako Agenda 21 programan parte hartu zuten gaztetxoek egindako eskaera baten ondorioa izan da; jolas parkeetan, etxean bezala, birziklatzeko aukera izateari garrantzia eman ziote gaztetxoek.
Horrela, beraz, San Frantzisko pasealekuan, Foruen etorbideko Amaiur parkean, Lopez Mendizabalen eta San Esteban auzoko bi parkeetan jarri dituzte ontzi berriak. Tolosako Udalak azaldu duenez, «aldaketaren lehen fasea da hau, eta aurrera begira, helburua hiriko beste hainbat guneetan ere egitasmo bera zabaltzea da».
