Argiak itzali eta jarri musika. Sentitu erritmoa, ordu luzez dantzatu eta bizi momentua. Musika elektronikoarekin gorputzak batzeko eta askatzeko unea bihurtzen du momentua. Hori da dj saioetan gertatzen dena, baita egungo euskal talde askotan ere. Pixkanaka badoaz erortzen Euskal Herrian elektronikaren inguruan luzaroan izan diren aurreiritziak.
Aldaketa gertatzen ari da Euskal Herriko musikaren eszenan. Euskal Herrian beti egon da kultura elektronikoa, baina nahiko ikusezin eta estigmatizatuta. Gaur egun sortzen ari diren hainbat taldek haize freskoa ekarri dute, molde, forma eta diskurtso berriekin gaur egungo testuingurura egokituz, eta gaurko Entzuteko Jaioak saioan izango ditugu horietako batzuk: Hemendik At!, Bad F-Line, 2kate, Zetak, TRB, Tatta, Malakias, Mirua eta Euzkolabel izan dira gure gaurko protagonistak, hain zuzen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!