EHNE eta ENBA sindikatuek eta Gipuzkoako Baso Elkarteak antolatuta, mobilizazioa egiten ari dira lehen sektoreko langileak. Gipuzkoako hainbat lekutatik, tartean Tolosaldetik, Donostiara joan dira, Gipuzkoako Batzar Nagusien aurrean beraien eskaerak plazaratzeko.
Traktore, kamioi eta bestelako ibilgailuetan sartuta, mobilizazio karabana atera da goizean Tolosako Arzabaltza industrialdetik, eskualdeko lehen sektoreko langileez osatuta, eta Legorretatik zetorren beste adarrarekin bat egin dute. Donostian elkartuko dira eguerdian, Gipuzkoako beste eskualde batzuetatik joan direnekin. Helmuga Gipuzkoako Batzar Nagusien egoitza izango da, bertan lehen sektorearen aldeko manifestua irakurtzeko.
Mobilizazioaren inguruko adierazpenak bideo honetan jaso daitezke.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
