Aurreko ostegun arratsaldean Danena Kirol Elkartearen txirrindularitza taldearen aurkezpena egin zen Villabonako Gurea elkartean. Taldearen iragana gogora ekartzeko ere balio izan zuen, eta oraina aurkezteko, besteak beste, jubenil mailako mutilen eta nesken taldeak.
Azken hauek Andoain txirrindulari taldearen koloreekin lehiatzen dira, bi taldeen akordio bat tarteko. Mutilen jubenil taldean dagoen txirrindularietako bat Eñaut Urkaregi larrauldarra da, eta larunbatean errepideko denboraldiko lehen lasterketa irabazi zuen Eibarren.
Udaberri Saria zegoen jokoan, eta Urkaregik esprintean irabazi zuen, ihes eginda zihoan taldetxo batean gailenduz. Eguneko ihesaldian ez zen Danena taldeko inor sartu, baina azken mendatean harrapatu zituzten eta gero beste taldetxo batek ihes egin zuen mendatean gora. Eibarko kaleetan azkarrena Urkaregi izan zen, errepideko denboraldia ezin hobeto abiatuz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!