Ohiko moduan, bi modalitate izango dira. Skating motako gurpil gaineko eskiekin lau kilometro egingo dituzte. Lehenengo 800 metroak lauak izango dira eta ondorengo 3,2 kilometroak aldapa gora, 225 metroko desnibelarekin. Klasiko motakoekin korritzen dutenek igoera bakarrik egingo dute. Bestalde, infantil mailakoek 1,5 kilometroko igoera egingo dute, klasiko eran.
Ordutegiari dagokionez, 15:30ean dortsalak jasoko dira, Hernialdeko Bentan, klasiko motako irteeran. 16:00etan izango da irteera, skating eran Tolosako Belate auzotik. 16:05ean, berriz, klasiko motako irteera izango da Hernialdeko Bentatik. Azkenik, 16:10ean izango dute infantilek irteera Anoetako bidegurutzean.
Sariak izango dira infantil mailan lehenengo neska eta mutilarentzat, eta helduetan zein beteranoetan, lehenengo emakumezko eta gizonezkoarentzat. Parte hartzea doan izango da, eta kaskoa, betaurrekoak eta eskuzorroak derrigorrezkoak dira. Izena emateko Alpino Uzturre elkartean egin daiteke, Tolosako Gudari kaleko 5. zenbakian, uzturre@hotmail.es helbidera idatziz edo 685 776 504 telefono zenbakira deituz, azken horretan soilik arratsaldez.
Tolosako Alpino Uzturre elkarteak antolatuta, 22. Hernialdera Rollerski Igoera egingo da larunbatean, urriaren 21ean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!