Jon Erasun eta Jon Ander Peña txapelaren bila irtengo dira larunbatean, Tolosako Beotibar pilotalekuko kantxara. Atzelari zizurkildarrak Arteaga II.arekin osatuko du bikotea, eta Peña II.ak Salaverrirekin.
Tolosarraren atzelaria eskuetatik osatu da, eta azkenik finalean egongo da. Asteazkenean aukeratu zituzten partida horretarako pilotak, bikote bakoitzak hiru. Arteaga II-Erasunek 105,7; 104,5 eta 104,9 gramokoak aukeratu zituzten. Peña II-Salaverrik 103,1; 104,3 eta 105,2 gramokoak.
Larunbateko pilota jaialdia 17:45ean hasiko da. Aurreneko partidan eskualdeko beste bi pilotari egongo dira: Jokin Altuna eta Iñaki Artola. Amezketarraren bikotea Martija izango da, eta alegiarrarena Ibai Zabala. Hauen ondoren jokatuko dute Promozio Mailako finala.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
