Aginaga, Abaltzisketa, Aizarnazabal, Albiztur, Alkiza, Aduna, Altzo, Berastegi, Berrobi, Bidania-Goiatz, Errezil, Gabiria, Ikaztegieta, Itsasondo, Larraul, Lizartza, Olaberria eta Zizurkilgo eskola txikietako ikasleak Berazubin elkartu dira kirol topaketen bidez, elkarren arteko loturak sendotzen. Atletismoari loturiko ekintzak egin dituzte, jolas moduan.
"Elkartzearen helburu nagusia umeen arteko harremanak aberastea da. Gerora, Bigarren Hezkuntzako ikastetxe handiagoetan elkartzen dira ikasle hauek, eta 3. mailatik aurrerakoek elkar ezagutzeko tartetxo bat izaten dute Kirol Topaketan, zonaldeka antolatzen dira beste zenbait ekintzaz aparte", azaldu dute antolatzaileek.