Belabieta Gimnastika Erritmikakoak lehiaketekin hasi dira, ondorengo emaitzak lortuz. Otsailaren 19an, Donostiako Karmelo Balda frontoian, alebinak eta infantilak aritu ziren taldeka B mailan. Alebin B Samaniego 14. geratu zen; alebin B Uzturpe 6.; infantil B Uzturpe 4. eta infantil B Orixe 10. Banakako emaitzei dagokionez, infantil A mailan Inko Oruesagastik 10. egin zuen uztaiarekin. Infantil B mailan honela geratu ziren gimnastak: Nagore Imaz 7.; June Agirre 9.; Intza Agirre 10.; Olaia Gartziarena 11.; Haizea Telleria 12. eta Garazi Jauregi 23. Alebin B mailan, Izaro Ibañez 14. geratu zen, Alaitz Agirre 16.; Aitana Manterola 18.; Alaitz Lasa 19. eta Uxue Begiristain 22.
Martxoaren 4an, Irungo Artaleku kiroldegian, A.D.Irunesa klubaren I. Torneoa jokatu zen. Jubenil B taldea, 2. geratu zen. Infantil Orixe B taldea, 5.ena izan zen, eta Aintzane Agirre, lehena.
Egun berean, Bergarako kiroldegian ere lehiaketa jokatu zen. Senior B taldea 4. gelditu zen; jubenil A taldea 8.; jubenil B taldea 2. eta kadete B taldea 2. Banaka emaitza aipagarriena Maialen Mariezkurrenak lortu zuen, jubenila A mailan lehen postua eskuratuz uztaiarekin. Naroa Bengoetxea ere bikain ibili zen, jubenil B mailan bigarren sailkatuz, uztaiarekin. Leire Bengoetxea 8.a izan zen jubenil B mailan, eta Edurne Eceiza 10.
