Uda pasa zen, eta TOLOSALDEKO ATARIA-k eginiko argazki lehiaketan guztira 74 argazkik hartu zuten parte. Hilabete hasieran eman ziren ezagutzera irabazleak eta orain sariak banatzeko garaia da.
Epaimahaiaren saria Eneritz Urkolak irabazi du, eta NEKATUR Nekazalturismo Elkarteak emandako Opari Bonu Orlegia, hau da, bi pertsonarentzako bi gaueko egonaldia, logela eta gosariarekin edo apartamentuan saria jaso zuen Iban Lopitzen eskutik. 67 botorekin ataria.info webguneko erabiltzaileen sariduna Izarne Olano izan da. Lau pertsonarentzako otordua lortu du Hernialdeko Elketa jatetxean, eta saria Luis Aranaren eskuetatik jaso zuen.
Aurreko bi sariez gain, parte hartu duten atarikideen artean Aralar Kirola-kek emandako bi opari zozkatu dira, eta Garazi Munduate eta Marijo Lopez izan dira irabazleak. Sariak Anate Iturraldek eman zizkien hauen ordezkariei. ATARIA aipamen berezia Iñigo Lopezek lortu du, Peñiscola ur azpian argazkiarekin ATARIA material sorta eraman du etxera.
'Tolosaldeko Ataria'-ren argazki lehiaketako sariak eskura banatu dira, eta sariez gozatzeko moduan dira irabazleak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!