Hiru modalitatean jokatu da Espainiako Txapelketa. Estilo librekoan hiru domina lortu zituzten Alpino Uzturrekoek: Imanol Rojok urrea lortu zuen absolutu mailan, tarte handiz irabazi 15 kilometroko proba; Libe Currasek zilarrak lortu zuen 14 urtez azpikoan, 5 kilometroko proban; eta Iker Aranburuk ere zilarra lortu zuen 12 urtez azpiko mailan, 2,5 kilometroko proban.
Estilo klasikoan, Imanol Rojok absolutu mailan irabazi zuen eta beste urre bat jantzi, 10 kilometroko proban; Hodei Juaristi laugarren izan zen 18 urtez azpikoetan (10 kilometro); June Aranburuk brontzezkoa lortu zuen 16 urtez azpikoetan (5 kilometro); Libe Currasek ere brontzezko domina lortu zuen 14 urtez azpikoetan (5 kilometro); eta Iker Aranburuk zilarra lortu zuen 12 urtez azpikoetan (2,5 kilometro).
Hirugarren modalitatean, Team Sprint estilo librean, elkarte eta genero bereko bikoteak lehiatu ziren. Gizonezkoen absolutu mailan Imanol Rojo eta Hodei Juaristi hirugarren izan ziren, eta 16 urtez azpiko emakumezkoetan, June Aranburu eta Libe Curras bigarren izan ziren.
Bestalde, denboraldiaren zehar, Espainiako Kopa osatzen zuten 11 lasterketetan (3 gurpil gaineko eskietan eta 8 elurretan) lortutako puntuak batuz, Espainiako Kopako sailkapenetan ere emaitza bikainak lortu dituzte Alpino Uzturrekoek. Taldekakoan, 21 elkarteen artean, Alpino Uzturre laugarrena izan da. Banaka, 14 urtez azpikoetan, Libe Curras lehenengoa izan da eta Inge Arin bigarrena; 16 urtez azpikoetan, June Aranburu bigarrena izan da; eta master 1 gizonezkoetan, Harkaitz La Vega bigarren izan da.
Argazkiak: Julen Juaristi