Unerik hunkigarriena Bengoetxea VI.aren azken sakean izan da. Jendea harmailetan zutik jarri da, txalo eginez eta pilotariari animoak emanez. Leitzarrak partida irabazi egin du 17-22, atzelari Zabaleta zuela eta aurkari Altuna III.a eta Mariezkurrena II.a. Maila handiko partida izan da, eta lau pilotariak oso ondo aritu dira. Partida eta gero Udaberri dantza taldeko kide batek aurreskua dantzatu dio, eta Tolosako Udalaren oroigarria eta Tolosa pilota elkartearen oparia jaso ditu. Agurra bukatzeko, Bengoetxea VI.ak Beotibarko azken txalo zaparrada jaso du, eta berak ere txalo egin die harmailetan zeudenei, jasotako berotasuna eskertuz.
Bere profesional ibilbideko azken partida jokatu du Oinatz Bengoetxeak Tolosako Beotibar pilotalekuan. Zaleek txalo ugari eskaini dizkiote pilotari leitzarrari.
Erlazionatuak
Oinatz Bengoetxearen agurreko jaialdia
2022 ots 21 Tolosa
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!